LAOAG CITY – Naabandona ti maysa a van ng agmaris ti nangisit a Toyota Hi-ACE nga addaan iti plate number nga AAY 4536, a masarakan iti sango ti maysa a store iti Brgy. 7-A ditoy ciudad ti Laoag.
Basar iti naiwayat nga imbestigasion ti Philippine National Police ditoy ciudad a nakaparking ti nadakamat a van sipud iti oras ti malem idi Agosto 26, 2024 agingga iti agdama.
Gapu iti daytoy, insigida a nangiwayat dagiti otoridad ti ocular inspection no sadinno awan ti makaitudo no siasinno ti akinkukua ti nadakamat a van.
Nupay kasta, bayat ti panagiwayat dagiti otoridad ti interbiu ken ni Rafael Gapuzan, agtawen ti 25, awanan asawa, akinkukua iti nasao a store ken residente iti Brgy. 7-A, Laoag City ditoy siudad a nadlawna ti lugan a nakaparada iti sango ti pagtagilakuanna manipud alas 6:00 ti idi Agosto 26, 2024.
Kabayatanna, ikagkagumaan ti Philippine National Police ditoy ciudad ti Laoag a biroken ti akinkukua iti nasao a lugan pakairamanan ti koordinasion iti Land Transportation Office (LTO).
