LAOAG CITY – Boluntaryo a napan simmuko iti Philippine National Police ti maysa a wanted person iti ili ti Bangui.
Ti akusado ket agtawen ti 66, lalaki, balo, private employee, ken temporaryo nga agnanaed iti ili ti Bangui.
Basar iti Philippine National Police, ti akusado ket sumangsango iti kaso a panaglabsing ti Republic Act 9262 wenno Anti-Violence Against Women and Their Children.
Iti agdama, nagtalinaed ti akusado iti Philippine National Police iti ili ti Bangui.
