LAOAG CITY – Kinumpirmaran ni Police Sr. Supt. Cesar Pasiwen, provincial director ti Ilocos Norte Police Provincial Office a natiliw da ti maysa kadagiti uppat a suspek ti pammaltog iti Brgy. La Virgen Milagrosa iti ili a Badoc.
Kuna na a nagtalinaed ti natiliw a suspek iti kustudyar ti PNP Badoc.
Segun kenni Pasiwen, awan ti pannakainaig iti election ti pannakapapatay ti biktima a ni Ramil Laforga a residente iti nasao a barangay.
Naamuan a kandidato ti asawa ti biktima a ni Rose Marie iti kina barangay chairman iti nasao a barangay.
Nagkedked a bigbigen ti kinasiasinno dagiti suspek gapu ta agtultuloy pay laeng ti imbestigasyon iti nasao nga insidente.
Kabayatanna, namunganay ti pannakatiliw ti suspek gapu ta nairupaan ti maysa kadagiti anak ti biktima.
Innayon ni Pasiwen a personal ti kangrunaan a kitkitaen da nga anggulo iti pannakapapatay ti biktima.
