LAOAG CITY – Pimmusay ti maysa a lalaki kalpasan a nadesgrasya iti Paoay-Balacad road partikular iti boundary ti Barangay Nagbacalan ken Barangay Mumulaan iti ili ti Paoay.
Ti biktima ket agtawen ti 30, maysa nga hollow block maker ken residente iti Barangay 2, San Roque iti nasao nga ili.
Iti imbestigasyon dagiti otoridad, agpapaamyanan ti biktima a nakalugan ti TMX 125 ken idi nakadanon iti kurbaan a paset ti kalsada ket na-overshoot rason a nailumlum ti motorsiklo iti kadaratan rason a na-slide ken nagbalbaliktad iti kaadayo a 30 a metro ken rumrumwar a naitupa ti ulo na.
Rumrumwar a ti helmet ti biktima ket adda iti box nga adda iti likudan ti motorsiklo.
Agpapan maisursurat ti damag ket saan pay a makumpirmaran no ti biktima ket adda iti impluwensya ti nasanger.
Iti agdama ket agtultuloy ti naun-uneg nga imbestigasyon dagiti otoridad tapno maamoan no sadinno ti naggapoan ti biktima.
