LAOAG CITY – Kinondenar dagiti naruay a pagilian ken dadduma pay a grupo ti inwayat a panangraut ti Russia iti Urkaine.
Segun ken ni North Atlantic Treaty Organization (NATO) Secretary General of Nato Jens Stoltenberg a nakaam-ames ti napasaran dagiti biktima gapu iti panangraut ti Russia.
Inbatadna a mangiparuk-at ti desision dagiti military alliance iti taripnong a maiyuswat idiay Estados Unidos tapno ipakita ti naiget a suportada iti Ukraine.
Inawagan met ni United Nation Chief Antonio Guterres a makapakigtot ti panangraut no sadino naruay nga ubbing ti pimmusay.
Nagpanawagan met ti Ministry of Foreign Affairs ti Italy kadagiti pagilian a nasken a mangaramiden ti addang dagiti international community.
Immunan a naglikudan ti Russia a tinarget-da dagiti ospital no sadino ket maipagarup a natamaan ti fragments manipud kadagiti air defence missiles ti Ukraine a nakatayan dagiti 36 a tattao.
Iti biang met ti Estados a personal nga agtataripnong ni President Joe Biden ken Ukrainian President Volodymyr Zelenksy inton Biernes.
Inbatad ni United States National Security Council Spokesman John Kirby a maaddaan met ti taripnong ti NATO-Ukraine Council no sadino kadagiti sumarsaruno nga aldaw ken namnamaen ti dakkel a rakurak a suporta iti Ukraine.
