LAOAG CITY – Umabot iti 34 a tattao ti natay idinto a dinosdosena a sabsabali dagiti nasugatan kalpasan ti airstrikes nga inpatungpal dagiti militar manipod Myanmar a nakatamaan ti ospital iti laud a paset ti pagilian.
Ti nasao nga ospital ket masarakan iti Mrauk-U town iti Rakhine state, ti lugar a kontrolado ti Arakan Army a maysa kadagiti kabilegan nga ethnic armies a lumablaban iti military regime ti Myanmar.
Maipalagip a rinibo a tattao ti natay ken minilyon a residente dagiti naibakwit sipud naagaw ti military ti turay iti kudeta idi 2021 a nagresulta ti civil war.
Iti napalabas a bolan, pinaigetan pay ti military ti panagipatungpal da ti air strikes tapno mapasubli ti teritoryo manipod iti ethnic armies.
Nagiwaras da pay ti paragliders tapno agitennag ti bomba kontra kadagiti kabusor.
