LAOAG CITY – Inpasigurado ti Philippine Statistics Authority ken Department of Social Welfare and Development nga itultuloyda ti National ID authentication services para kadagiti benepisiaryo ti Pantawid Pamilyang Pilipino Program wenno 4Ps ditoy pagilian.
Iti maysa a rakurak, inbatad ni Philippine Statistics Authority Undersecretary Claire Dennis Mapa, National Statistician and Civil Registrar General ti desision daytoy ket resulta ti naiyuswat a taripnong ti Philippine Statistics Authority ken Department of Social Welfare and Development.
Basar iti opisial, dagiti amin a miembro ti Pantawid Pamilyang Pilipino Program iti pagilian ket dumalan iti identity verification.
Daytoy ket babaen iti scanning procedure dagiti fingerprint-da tapno agpada ti National ID registry dagitoy.
Kabayatanna basar iti datos ti Philippine Statistics Authority, as of June 14, 2024, dumanonen iti 2,000,059 4Ps beneficiaries ti balligi a na-authenticate babaen ti National ID.
