LAOAG CITY – Positibo ti naiyuswat a search warrant operation iti pagkaseraan ni Mr. Mario Sacramento y Santos alyas Yeye iti Barangay 23 ditoy ciudad ti Laoag.
Iti panagsukimat dagiti otoridad, nakakita da ti maysa a 38 revolver nga addaan ti lima a bala ken maysa a riffle grenade nga addaan ti casing.
Patien met ni Sacramento a planted wenno naimula dagiti naala manipud iti pagkaseraan na ken atapen na nga adda ti koneksyon daytoy iti nakariri na kalpasan a maipagarop a natagari ti kakaseraan na.
Segun kenni Sacaramento, sakbay a naiyuswat ti operation ket adda ti tallo nga indibidwal iti kwarto na no sadinno a dua kadagitoy ti nangirwar kenkuana ken nagbati ti maysa.
Gapo iti daytoy, inpetteng na a namulaan ti paltog iti kwarto na babaen kadagiti maipagarop nga ummuna a simrek.
Mainaig iti daytoy, kuna ni Barangay Chairman Primo Ramos iti nadakamat a barangay a no mabartek ni Sacramento ket arig na kastigaren na dagiti kakaseraan na naipan pay iti barangay ti aramid na.
Malaksid iti daytoy, inbatad pay ni Ramos nga adda ti naibaga kenkuana nga adda ti maiagarop a nakasabukel a paltog iti siket ni Sacramento.
Rumrumwar pay nga iti kallabes ket napukawan ti gamit ti kakaseraan ni Sacramento ken isuna ti atapen da a nangala ngem gapo iti kinakurang ti ebidensya ket saan a nagtuloy daytoy.
