LAOAG CITY – Mangpaadu ti bilang dagiti turista iti mapaspasangasangan a panaglukat ti baro a dakkel a mall ditoy siudad ti Laoag.
Segun ken ni Atty. Charito Malicad, mangidadaulo ti City Tourism Office, manamnama nga araken dagiti umili ken turista manipud kadagiti nagduduma a lugar ti nasao a dakkel a mall.
Inbatadna nga apaman nga aglukat ti dakkel a mall ket maigiddanton a dandanin ti panaglippas ti Palarong Pambansa ket mabalin a pagpasiaran wenno pagtambayan dagiti atleta manipud kadagiti nagduduma a paset iti pagilian.
Babaen iti daytoy, kuna ti City Tourism Officer a dakkel daytoy a makatulong iti turismo ditoy siudad pakairamanan ti ekonomia gapu ta no ad-adu ti bisita ket dakdakkel ti mapastrekan ditoy siudad ti Laoag.
