LAOAG CITY – Saludaran ni Liga ng mga Barangay President Ryan John Pascua ti ad-adda pay a pannakapaiget ti implementasyon ti pannakaipawil ti panaggiinom iti kalsada, panagruwar nga awan badona ken panag-videoke ti nalablabes ngem alas dies ti rabii ditoy probinsya.
Segun kenkuana, nabayagen nga adda ti ordinansa ti probinsia mainaig iti daytoy ngem napintas gapu ta mismo a ni Department of the Interior and Local Government Secretary Jonvic Remulla ket kayat na nga obserbaren a nasayaat daytoy.
Kunana a kas maysa mangidaulo iti barangay ket dakkel a tulong daytoy tapno maliklikan dagiti saan a napintas a mapasamak ken mailiklik dagiti agtutubo iti riribok.
