LAOAG CITY – Binallaagan ni Presidente Ferdinand Marcos Jr. ti publiko a saan nga agiwaras kadagiti peke a damag kabayatan dagiti kalamidad, nangruna ti panagbettak ti Bulkan Kanlaon.
Segun iti presidente, napateg ti komunikasion kabayatan ti krisis gapu ta ti epektibo a panangsungbat iti didigra ket naisanglad iti umno nga impormasion.
Daytoy ti rason na nga inawaganna iti publiko a liklikan ti panagiwaras iti peke a damag gapu ta makapapatay daytoy.
Innayonna nga agtultuloy ti panangipaulog ti PHIVOLCS kadagiti round-the-clock advisories.
Nagpakaasi pay daytoy kadagiti naapektaran nga umili, nangruna dagiti saanna a kayat ti agbakwit, nga dumngeg da kadagiti ballaag dagiti otoridad.
Inoetteng ti presidente, napatpateg ti biag ngem sanikua no kakastoy a kasasaad.
