LAOAG CITY – Inbatad ni Dr. Rickson Balalio, ti Provincial Health Officer nga awan ti pondo nga Anti-venom ditoy probinsya.
Inlawlawag na a saan a kas ti anti-rabbies ti panagpondo ti anti-venom gapu ta ababa laeng ti life span daytoy.
Kuna na pay a saan a basta anti-venom ti maited kadagiti makagat ti uleg no di ket nakadepende no ania a klase ti uleg ti nakakagat iti maysa a tao.
Nupay kasta, mangnamnama ni Balalio nga adda ti maestablisar a sub-national laboratory ditoy probinsia tapno adda ti pagpondoan ti anti-venom.
Naamoan nga iti agdama ket iti laeng probinsya ti La Union ti adda ti Toxicology Department na nga isu ti nakaipondoan ti anti-venom.
