LAOAG CITY – Kalikagom ti lokal a gobierno a papintasen ken ad-adda a mapadur-as ti Pottery Industry tapno mapreserba ti natawid ken kultura ti ili ti San Nicolas a panagdamili.
Segun ken ni Mayor Ed Mar Vincent Bonoan, nakikoordinar da kadagiti eksperto tapno isuro ken sanayen dagiti agdamdamili usar ti stoneware.
Malaksid iti daytoy, kuna ti mayor a tapno maitultuloy ti kultura iti ili ti San Nicolas, masapol a maisuro daytoy kadagiti agtutubo babaen iti pannakairaman ti pottery subject iti curriculum ti Department of Education iti nasao nga ili manipod elementarya agingga iti sekondarya.
Mainaig iti daytoy, manamnama a maipaayan ti puesto dagiti aglaklako kadagiti nadamili iti igid ti kalsada iti uneg mismo ti tiendaan tapno maitampok dagiti produkto da.
