LAOAG CITY – Agbiahe ni Presidente Ferdinand Marcos Jr. idiay United Arab Emirates (UAE) inton Lunes, Enero 12 para iti maysa a working visit kagiddan ti imbitasion ni United Arab Emirates President Sheikh Mohamed bin Zayed Al Nahyan.
Inbatad ni Palace Press Officer Claire Castro, atendaran ti Presidente ti Abu Dhabi Sustainability Week ken imatangan ti panagpirma ti Comprehensive Economic Partnership Agreement (CEPA) iti nagbaetan ti Pilipinas ken United Arab Emirates.
Daytoy ti umuna a free trade agreement ti Pilipinas iti maysa a pagilian iti Middle East a gagem a palawaen ti access dagiti produkto a Pilipino iti rehion.
Manamnama pay ti panagpirma ti maysa a defense cooperation agreement a mangpapigsa iti pannakikammayet ti dua a pagilian mainaig iti defense technologies ken kabaelan.
