LAOAG CITY – Personal a napan bimmisita ni Presidente Ferdinand Marcos Jr. iti Naga City tapno inspeksyunen dagiti proyekto iti babaen ti Oplan Kontra Baha, maysa a flood mitigation initiative ti gobierno national.
Kadwa ni Presidente Marcos iti panagbisita na iti lugar ni Mayor Leni Robredo a dati a Bise Presidente ken dati met a nakalaban na iti kina-presidente iti napalabas a presidential race.
Karaman pay a bimmisita iti Naga City ni Department of Public Works Secretary Vince Dizon.
Iti rakurak ti Presidente, inpetteng na a ti panagbisita na iti Naga City ket nakatutuk iti serbisyo publiko ken saan a pulitika, iti baet dagiti ispekulasyon ti possible nga alyansa iti mapaspasangasangan nga elections 2028.
Nupay inbatad ni Presidente Marcos a saan a pulitika ti panagbisita na, inpakita na kadagiti nagatendar ti pink a medyas na kas panangipaay ti respeto ken ni Mayor Rpbredo a nagusar ti kolor a pink iti presidential campaign na idi 2022.
Indaulwan ti presidente ti panaginspeksyon kadagiti waterways ken drainage systems ti Naga, a paset ti multi-agency desalting ken rehabilitation program tapno mapapigsa ti flood control system ti ciudad.
Ti ibibisita ti presidente ket napasamak iti baet dagiti isyu maipanggep iti possible nga alyansa iti pulitika, ngem agpada nga inpetteng da Marcos ken Robredo a ti panagtitinnulong da ket nakatutuk iti public service ken disaster preparedness.
