LAOAG CITY – Makidanggay ti Provincial Library ti Ilocos Norte iti selebrasion ti maika-65 a Public Library Day iti masungad a Marso 9.
Segun ken ni Mr. Eric Coloma, ti Provincial Librarian, plano dagitoy ti mangisayangkat ti programa iti Muslim Compound ti Brgy. 1 ditoy siudad ti Laoag para kadagiti ubbing.
Inbatadna a maysa daytoy a wagas a pangliwliwa kadagiti ubbing iti nadakamat a lugar.
Kunana a kagiddan ti nasao a selebrasion ket agibunong dagitoy kadagiti “reading materials” kas pagyamanda kadagiti ubbing a makipartisipar iti programa.
Malaksid iti daytoy, mangnamnama ni Coloma a babaen iti daytoy a wagas ket magutigot dagiti ubbing nga agbasa iti “public library.”
Innayonna a ti nasao a selebrasion ket marambakan iti intero a pagilian iti pannakibinnulig dagiti Local Government Units iti National Library of the Philippines.
