LAOAG CITY – Inlawlawag ni Atty. Juanito Antonio ti makunkuna a reasonable certainty of conviction a maipatpatungpal nga isu met ti rason ti panagngato ti conviction rate iti pagilyan.
Segun kenni Antonio, ti reasonable certainty of conviction ket addaan ti natibtibker nga ebidensya a ti suspek ket isu ti pudno a nagaramid iti krimen.
Inbatad na pay a babaen iti daytoy ket awanen dagiti mapilaan a sabali a tao no diket ti mismo a ti nagbasol ken maliklikan nga ado dagiti maibasura a kaso gapo ta kurang ti ebidensya.
Kunana pay a no ti dat ket probable cause laeng wenno ti pammati ti prosekusyon a ti natiliw a suspek ket isu ti nakaaramid iti krimen ken no maipangato ti kaso ket posible pay a maibasura.
Ummuna iti daytoy, inbatad ti Department of Justice a ngimmato agingga iti 78 percent ti conviction rate iti pagilyan gapo iti panagbaliw ti proseso sakbay a maipila ti kaso.
