LAOAG CITY – Ginutigot ni Manila Representative Rolando Valeriano dagiti potensiyal a whistleblowers mainaig iti “misuse funds” ti Office of the Vice President nga agpakita ken ipublikar dagiti ammo nga impormasyon mainaig iti saan nga umiso a pannakausar ti pondo ni Vice President Sara Duterte.
Inaramid ni Valeriano ti panawagan iti panagdengngeg ti House Committee on Good Government and Public Accountability.
Segun ken ni Valeriano, napateg dagiti impormasyon, ebidensiya ken testimonya dagiti whistleblowers kangrunaan na kadagiti maipagarop a socioeconomic programs ti opisina ni Vice President Duterte.
Iti privilege speech ni Valeriano, inrakurak na a makaalarm ti kinakurng ti transparency no kasanu a ginastos ti Office of the Vice President ti binilyon a pisos para iti socio-economic programs.
Kinarit ni Valeriano ti opisina ti bise presidente a mangipakita ti pruweba seknan iti socio-economic programs na a nakapokus iti Metro Manila.
Binabalaw met ti kongresista ni Vice President Sara gapu iti panagkedked na a nagsungbat kadagiti saludsud mainaig iti panagdengngeg ti nailungalong a pondo ti opisina na para iti fiscal year 2025.
Nagtalinaed met ti takder ni Vice President Sara nga ipabus-oy nan ken ni Speaker Martin Romualdez ti pondo ti opisina na.
