LAOAG CITY – Naibilin ti panagbakwit dagiti rinibo a residente iti Pacific Northwest ti Estados Unidos ken ti western Canada gapu iti mapaspasaran a layos a possible a kumaro pay.
Ti layos ket intunda ti sumagmamano nga aldaw a panagtudo na ti napigsa kadagiti nadakamat a lugar.
Nagballaag ti National Water Center a possible a ti mapaspasaran a layos iti Skagit ken Snohomish rivers iti estado ti Washington ket agpaot agingga iti sumarsaruno nga aldaw.
Naamoan nga idiay Canada ket napaserraa dagiti major highways nga agturong iti Vancouver gapu iti layos, debris ken ti risgo iti panagreggaay ti yelo.
Iti met Estados Unidos, indeklarar ni Washington state Governor Bob Ferguson, ti statewide emergency ken mpatta-patta nga umabot iti 100,000 a residente dagiti nabilin nga agbakwit.
