LAOAG CITY – Nagballaag ti opisial manipud iti Securities and Exchange Commission (SEC) iti publiko kontra iti panagwaras dagiti peke nga online lending apps.
Segun ken ni Kenneth Joy Quimio, Officer In Charge Director ti Securities and Exchange Commission financing and lending companies department, dagiti scammer ket agpampammarang kas lehitimo a kompania nga agus-usar ti listaan dagiti rehistrado a kompania ken dagiti lisensiada nga available iti website-da.
Kuna ni Quimio, napateg met nga ikonsiderar ti contact number wenno email address kadagiti app wenno website ti online lending companies ket makonkontak.
Inbatadna a dumanon iti 4,700 a registered financing ken lending companies ditoy Pilipinas no sadinno 170 ti addaan ti bukud nga online lending apps.
Nangiparuk-aten ti Securities and Exchange Commission ti cease and desist orders kadagiti 81 a kompania gapu iti panaglabsing iti regulatory requirements ken dadduma pay.
