LAOAG CITY – Posible a luktan manen ni Senador Ronald “Bato” dela Rosa ti imbestigasion mainaig iti kaso dagiti mapukpukaw a mammallot.
Daytoy ket no adda ti kaduana a mangipila ti resolusion tapno kitaen dagiti banag mainaig kadagiti mapukpukaw a mammallot a rumrummuar nga inbellengda idiay Taal Lake.
Mamati ni Dela Rosa nga adda dagiti nabibileg a tattao ti adda iti likudan ti pannakapukaw dagiti mammallot.
Umannugot ti Senador a mapagtalkan a whistleblower ni Julie “Dondon” Patidongan ngem kunana nga idi pay laeng koma nga inpakaammona iti imbestigasion ti Senado dagiti inbutaktakna.
Inadmitir ni Dela Rosa a dati a Philippine National Police Chief a mabalin nga adda dagiti pulis a karaman iti kaso banag a nadismaya ti agpanpanday linteg.
Maipalagip a ni Dela Rosa ti nangidaulo iti imbestigasion dagiti mapukpukaw a mammallot idi 2022 kas Chairman ti Committee on Public Order and Dangerous Drugs.
