LAOAG CITY – Kinumpirmaran ni Senador Imee Marcos a rumrumwar ti nagan na kadagiti mapagpilpilyan nga agbalin a senate president.
Segun kenkuana, nangngeg nan daytoy a banag ken patienna a ti gapu na ket awan ti natured a sumango kontra iti kongreso.
Nupay kasta, kunana a saan na a kalaban ti kongreso aglalo ket ado dagiti papagayam na a miembro iti daytoy ngem inpalgak na nga adda ti bardagulan a mapaspasamak.
Inpetteng na a saan a rumbeng a kastoy ti mapaspasamak no di ket masapol koma nga agtitinnulong da.
