LAOAG CITY – Nakasagana ken addaan ti umdas a pundo ti Senado para iti posible nga impeachment trial ken ni Vice President Sara Duterte.
Inbatad ni Senate President pro-tempore Ping Lacson, Chairman ti Senate Committee on Accounts, umabot iti P500,000 laeng ti nagastos iti napalabas a tawen iti P27 million a pundo iti babaen ti 2025 national budget idi iyuli ti Kamara de Representantes ti articles of impeachment kontra ken ni Duterte.
Inlawlawagna a gapu ta mabalin a gastosen ti pundo iti uneg ti dua a tawen iti babaen ti “continuing appropriations,” “able and ready,” ti Senado ket mangiwayat ti panangtingiting iti kanito nga isubmitir ti Kamara de Representantes ti impeachment case.
Maipalagip nga inrakurak ni Lacson nga agsagsagana metten iti posible nga impeachment trial dagiti Senador no sadinno a dimmalanda kadagiti briefing mainaig kadagiti legal matters tapno masigurado a masursurot ti umno a proseso ti panangusig.
Inpetteng ti agpanpanday linteg a ti laeng ebidensia ti agbalin a pagibasaranda iti aniaman nga agbalin a desision no matuloy man ti impeachment trial.
