LAOAG CITY – Nagpanawagan ni Senador Mark Villar para iti pannakaipasa a dagus ti nailungalong a National Autism Care, Support and Inclusion Act, maysa a substitute measure a gagem na ti agaramid ti komprehensibo a national framework para iti panangtaripato, suporta ken full inclusion dagiti Pilipino nga addaan ti Autism Spectrum Disorder (ASD).
Segun ken ni Villar, gagem ti gakat nga ipaayan ti importansya ti persistent gaps a sangsangwen dagiti tattao nga addaan ti Autism Spectrum Disorder ken dagiti pamilya da, karaman ti kinarigat ti mangala ti nasapa nga screening ken diagnosis, limitado nga access iti specialized health services, saan a patas nga availability ti inclusive education, barriers to employment ken nakapuy a community-based support systems.
Inbatad na nga iti baet ti Republic Act No. 11228 a mngbigbigbig iti autism kas maysa a disability, nagtalinaed a kurang dagiti serbisyo para iti daytoy.
Inpakaammo na nga iti babaen ti substitute bill, ilunglungalong na ti institusyonalisasyon ti National Plan of Action for Autism Spectrum Disorder ken maobligar ti coordinated, multisectoral planning ken implementasyon dagiti ahensya ti gobierno ken stakeholders.
Dutukan na ti National Council on Disability Affairs kas lead agency mangiwanwan iti implementasyon, nga addaan ti probisyon a gagem na a papigsaen ti early detection ken comprehensive health services, pannakapasayaat ti inclusive education pathways, panangilungalong ti equal employment opportunities, pannakaipalawa ti social protection ken community-based services, ken panangipaat ti family education ken counselling support.
