LAOAG CITY – Kinumpirmaran ni Mayor Joseph de Lara iti ili ti Solsona ti panangi-lockdown da iti Sitio Mananonan iti Barangay Darasdas ti nasao nga ili.
Daytoy ket kalpasan a naamoan da a 22 a residente iti lugar ket napan da nakidaya iti balay ti maysa ai nagpositibo ti covid-19 iti Barangay 9 iti ili ti Sarrat a ni IN-C43.
Inlawlawag ti mayor nga amin a napan nakidaya iti Barangay 9 iti ili ti Sarrat ket pinayaaban da ken napan da pinacheck-up dagitoy.
Innayon na nga inpadalan da dagiti maseknan iti swab test idi sabado, Agosto 29 ken iti agdama ket nagtalinaed dagiti 22 a residente iti Quarantine facility iti ili ti Solsona.
Inpakaammo ni mayor de Lara nga uray dagiti nakapulapol dagiti maseknan ket karaman a pinag-home quarantine da agingga a saan a rumuar ti resulta ti swab test dagiti 22 a residente.
