LAOAG CITY – Kinumpirmaran ni Acting Mayor Romulo Acdal iti ili a Paoay a ti danum a manglaylayos kadagiti sumagmamano a lugar iti nasao nga ili ket naggapo iti Quiaoit River iti ciudad ti Batac.
Kunana nga awan met pay ti nagbakwit a residente nga apektado ti layus gapu ta ad-adda a pinili da ti agtalinaed iti balayda.
Nupay kasta, inbatad ni Engr. Robert Guieb, mangidadaulo ti Municipal Disaster Risk Reduction and Management Office a binallaagan dan dagiti apektado a bumaranggay a mapan da iti nangatngato a lugar.
Naglepyas ti danom iti nasao a karayan gapu iti awan sarday a pinagtudtudo na ti napigsa a gubuay ti habagat.
