LAOAG CITY – Manamnama a makipaset iti panagbitla dagiti mabigbigbig a personalidad para iti maikadua nga aldaw ti Democratic National Convention.
Sumagmamano kadagitoy ket isuda dati nga United States President Barack Obama, dati a first lady Michelled Obama, second gentleman Doug Emhoff ken dagiti dadduma pay a nangangato a pulitiko.
Mangiyuswatda ti panagbitla kas panangsuporta ken ni United States Vice President Kamala Harris a pambatoda iti kina-Presidente ken ti running mate daytoy a ni Minnesota Governor Tim Walz.
Maipalagip nga iti umuna nga aldaw ti Democratic National Convention ket indauloan da United States President Joe Biden ken dati a First Lady Hillary Clinton ti nangipakita ti suportada ken ni Harris.
Naammoan a ti kabinnalubal met ni Harris a ni dati nga United States President Donald Trump ket adda iti Howell, Michigan ken ti runningmate daytoy a ni Senator JD Vance ket agkampania met iti Kenosha, Wisconsin.
