LAOAG CITY – Nagballaag ti Tehran ti nalawlawa a panangatake kalpasan nga inrakurak ni United States President Donald Trump a rauten ti Estados Unidos ti Iran kadagiti sumaruno a lawas.
Inbatad ti pannakangiwat ti militar ti Iran a ti panangatake ti Amerika ken Israel iti pagilian ket saan a napateg nga ibagbagana a ti dua a pagilian ket awanan ti kumpleto nga impormasion mainaig iti kabaelan ken kagamitan iti militar ti Tehran.
Kabayatanna, basar iti foreign ministry ti Iran, nakalukat ti Strait of Hormuz kadagiti barko basta awan ti pakainaiganda iti Estados Unidos wenno Israel.
Inrakurak ni United Kingdom Secretary Yvette Cooper a matalantan dagiti plano tapno masigurado ti panaglukat manen ti Strait of Hormuz kaduana dagiti kaalyadona manipud kadagiti 35 a pagilian.
Naammoan a ti strait ket para iti amin ngem inserra ti Iran a nangitunda ti dakkel a pressure kadagiti world supply chains ken dagiti presio ti enerhia.
Inpetteng ti Iran a ti ruta ket nakaserra laeng para kadagiti tanker ken barko a karaman kadagiti pagilian iti panangatake kontra kadakuada.
