LAOAG CITY – Rimsua ti nagduduma a Pro-Ukraine demonstrations iti intero a lubong kalpasan a naiyuswat ti tignay protesta manipud iti London agingga iti New York, pakairamanan iti Tehran tapno kondenaren ti iraraot ti Russia iti Ukraine.
Maipalagip a kalpasan iti addang ti Moscow iti Ukraine ket sumagmamano a Western countries ti nangipataw ti sanctions kontra iti Russia, na ang ilan ay direkta mismo laban kay Russian President Vladimir Putin.
Iti Switzerland, rinibribo a tattao ti nagtitipon, pakairamanan dagiti agarop 100 nga adda iti ruwar ti European headquarters ti United Nations iti Geneva.
Ipanpanawagan dagiti demonstrador a maaddaan ti naiget nga aksyon manipud iti gobierno imbes a ti tradisyunal nga agtalinaed laengen iti “neutral” stance.
Nasurok met a 3,000 a tattao ti nagguummong iti French city ti Strasbourg nga ayan ti Council of Europe human rights organizations no sadinno a bitbit da dagiti placards nga aw-awagan da a agpapatay ti tao ni Russian President Vladimir Putin.
Adda pay dagiti maiyus-uswat a tignay protesta iti Paris, Motpellier ken Marseille.
Naamoan nga iti met kaabay a pagilyan ti Russia a Finland, sumagmamano a ribo a tattao met nagtitipon iti kabisera ti pagilyan nga Helsinki idinto a 3,000 a tattao ti nangiyuswat ti tignay protesta iti Vienna no sadinno a bitbit da dagiti placards a nakaisuratan ti panagkalikagom da a maisardengen ti gubat.
