LAOAG CITY – Umabot pay iti 24 a milyon a pisos ti utang ti Laoag General Hospital (LCGH) ditoy ciudad ti Laoag iti Development Bank of the Philippines.
Daytoy ti inbaga ni Mrs. Lowelyn Bajado Acain, ti Officer-in-Charge iti City Accounting Office ditoy ciudad.
Inlawlawag na a karaman iti nasao a gatad ti interest ken dadduma pay a bank charges iti utang ti LCGH.
Inpakaammo ni Acain a mabayadan to aminen ti utang ti LCGH intono Mayo 2022.
Maipalagip nga umabot ti 384 a milyon a pisos amin ti inutang ti LCGH para iti pannakatarimaan ti building ti nasao nga ospital.
