LAOAG CITY – Madanagan ti United Nations iti kumarkaro a riribok iti nagbaetan ti Israel ken Lebanon.
Inbatad ni United Nations Secretary-General Antonio Guterres a nasken nga agsarita a nakappia dagiti agsumbangir a partido.
Kunana a ti nasao a rehiyon ket makapaspasar ti nakaro a panagrigat.
Immunan nga inpakaammo ti Israel Defense forces a napatayda babaen iti airstrike-da iti Beirut ti maysa kadagiti lider ti Hezbollah.
Nagpanawagan ni Lebanese Prime Minister Najib Mikati iti international community a makiballaet kadagiti dua a grupo.
Daytoy ket kalpasan nga umad-adu dagiti mairamraman a sibilianda iti mapaspasamak a panangraot ti Israel.
Innayonna a saanen nga ikonkonsiderar ti Israel ti biag dagiti inosente a sibilian iti iwaywayatda a panangraot.
