LAOAG CITY – Natay kalpasan a napaltu-paltugan ni United Healthcare Chief Executive Officer Brian Thompson.
Napasamak ti insidente kabayatan a magmagna ni Thompson iti Manhattan tapno agatendar ti investors conference.
Naamoan nga asideg laeng ti New York Hilton Midtown Hotel nga isu koma ti pagturungan ni Thompson idi paltu-paltugan ti suspek.
Naitaray iti ospital ti biktima ngem saanen nga immabot a sibibiag gapu iti sinagaba na a nakana a sugat.
Iti agdama, agtultuloy a birbiruken dagiti otoridad ti suspek ken am-amwen da paylaeng ti motibo iti panangpalto-paltog na iti biktima.
Napili ni Thompson kas chief executive officer ti United Healthcare idi Abril 2021.
Ti United Heallthcare ket paset ti United Health Group a kadakkelan nga insurance company iti Estados Unidos.
