LAOAG CITY – Naipisuken iti Bureau of Jail Management and Penology (BJMP) ditoy ciudad ti Laoag ni Angelica Joyce Nacino, agtawen ti 22, addaan ti live-in partner, ken taga Barangay San Isidro iti ili ti Pasuquin.
Daytoy ket kalpasan a saan a nakapagpiyansa ti 72 ribo a pisos para iti kaso na nga estafa.
Naarestar ni Nacino iti mismo a balay da iti Barangay San Isidro iti ili ti Pasuquin idi rabii.
Natiliw ni Nacino babaen ti bileg ti maysa a warrant of arrest nga inparuk-at ni Hon. Jonathan A. Asuncion, Presiding Judge, First Judicial Region, MTCC Branch 2 ditoy ciudad ti Laoag.
Ni Nacino ti lider ti P2P Investment Scam ditoy probinsya.
Immunan nga inbatad ni Nacino a nakasagana met a mangipila ti reklamo kontra kadagiti mangimam-mameg kenkuana kangrunaan dagiti Area Representative (AR) ti P2P Investment Scam.
