LAOAG CITY – Awan ti ammo ni Ms. Flordelyn Villanueva a rason no apay a napapatay ti live in partner na a ni Roderick Castillo iti Barangay Surong iti ili ti Pasuquin.
Segun kenni Villanueva, awan met ti madakdamat kenkuana ni Castillo a problema na.
Kinumpirmaran ni Villanueva nga ado dagiti ummuna a nakadenna ni Castillo ngem saan na a patyen nga isu ti rason ti nakapapatayan daytoy gapo ta awan met ti problema kadagiti dati a nakarelasyon ti biktima.
Inbatad na nga iti malem kalman ket nagawid ti biktima no sadinno ket isuna pay ti nagluto ken nangtaripato kadagiti taraken da.
Gapo iti daytoy, kampante isuna idi rimwar ti asawa na idi agarop alas-siete idi rabii tapno mapan gumatang ti sigarilyo na ngem saan nan a napasangpet.
Kunana a nasdaaw laengen idi naipakammo kenkuana a napapatay ti asawa na iti mismo met laeng a barangay da.
Inpetteng na a nagbalbaliwen ni Castillo isut gapo na nga awan ti mapanunot na a mabalin a rason iti pannakapalto-paltog ti biktima.
Kabayatanna, kuna ni Barangay Captain Alberto Florentino iti Barangay Surong nga awan met ti ammo na a rason no apay a napapatay ti biktima.
Inpetteng na a nagaget ti biktima no sadinno ket kanayon a tumultulong iti panagdalos iti barangay da.
Dinakamat ti kapitan a ti agdama a live in partner ti biktima a ni Villanueva ket isu ti maikainem a nakadenna na.
Innayon na nga awan met ti ammo na a nakariri ti biktima iti barangay da.
Paset ti pannakiinnuman ti Bombo Radyo kenni Baranngay Captain Alberto Florentino iti Barangay Surong, Pasuquin.
