LAOAG CITY – Mangiyuswat ti imbestigasyon ni Police Lt. Col. Amador Quiocho, chief of police ti PNP-Laoag mainaig iti alegasyon kontra kenni Police Chief Master Sergeant Ferdinand Santos, hepe ti PNP traffic division.
Segun kenni Quiocho, daytoy a mismo ti bilin kenkuana ni Police Col. Christopher Abrahano, ti Provincial Director ti INPPO.
Inlawlawag ni Quiocho a no mapaneknekan a pudno ti alegasyon ken ni Santos ket masapol a mapilaan ti kaso.
Nupay kasta, kuna ni Quiocho a no awan ti agparang a complainant wenno awan ti pormal a reklamo ket mabalin nga agtennag laeng a pammerperdi daytoy nga akusasyon.
Inbatad na a no malpas ti imbestigasyon da ket iyendorso na daytoy iti INPPO tapno adalen da met ti resulta ti panagimbestigar da.
Mainaig iti daytoy, kuna ni Quiocho a saan da nga iyaleng-aleng daytoy gapo ta dagiti reklamo kontra kadagiti pulis ti mangperdi iti imahen ti PNP.
First Report – https://www.bomboradyo.com/laoag/hepe-ti-pnp-traffic-division-ditoy-ciudad-ti-laoag-naglikudan-na-dagiti-alegasyon-kontra-kadakuada/
