LAOAG CITY – Rinugyanen ti Philippine National Police ti agimbestigar seknan ti nagbalin a reklamo ni Mr. James Alasaas, residente iti Brgy. Bengcag ditoy siudad ti Laoag kalpasan a nagpangta ti maysa a pulis a paltugan na daytoy.
Nabigbig ti pulis a maipangarop a nangpangta ken ni Alasaas a ni Police Patrolman John Louie Barroga, naka-assign iti Provincial Drug Enforcement Unit iti Ilocos Norte Police Provincial Office.
Immunan nga inlawlawag ni Alasaas nga inakusaran ti pulis ti anakna a lalaki nga agtawen ti siyam a nangrugit ti kotsena, banag a naglikudan ti ubing.
Kuna ni Alasaas a mismo a ti anak na ti nangibagaan ni Barroga a paltogan na daytoy ken linayatan na pay daytoy iti sangwanan ti ubingna.
Inpalgak ni Alasaas a nagpadispensar kadakuada ni Barroga ngem mariknana a saan a sinsero daytoy.
Gapu iti napasamak, pursigido ni Alasaas nga agpila ti reklamo kontra iti nasao a pulis.
