LAOAG CITY – Maipila intono bigat, Setyembre 1 ti reklamo a panagrames babaen iti inquest proceeding kontra kadagiti innem manipod iti pito a suspek ti napasamak a panagrames iti Barangay Pila ditoy ciudad ti Laoag.
Daytoy ti inbatad ni Police Lt.Col. Rafael Lero, ti chief of police ditoy ciudad.
Segun ken ni Lero, ti maikapito a suspek ket saanda pay a nabirukan isut gapuna a maipila ti reklamo kontra kenkuana babaen iti regular filing.
Iti agdama, dagiti uppat a suspek ket adda da iti Bahay-Pagasa gapu ta dagitoy ket menor de edad idinto a dagiti dua ket nagtalinaed da iti kustodyar ti PNP-Laoag.
Immuna iti daytoy, nagkamang ti agtawen ti 18 a biktima a maysa a Person with Disability (PWD) iti kwerpo ti pulisya tapno ireklamo ti maipagarop a panangrames kenkuana dagiti suspek.
Rumrumuar a manipod kadagiti pito a suspek ket adda ti agama kadagitoy.
