LAOAG CITY – Inlawlawag ni Police Lt. Col. Amador Quicho, chief of police ti PNP-Laoag a ni Samuel Laurelio iti Barangay Gabut Norte iti ili ti Badoc ket maipagarop nga agsupsuplay ti dinamita ken ramramit iti iligal a panagkalap iti Barangay Gabu ditoy ciudad.
Kunana nga idi positibo ti nagbalin a beripikasyon da ket nagaplikar da ti search warrant ken inyuswat da ti operasyon.
Inpetteng na a normal laeng a paglikudan ni Laurelio a kukua na dagiti nakumpiskar a bungbong gapo ta awan ti kriminal a mangadmitir iti inaramid na.
Innayon na a beripikaren da ti rakurak ni Laurelio nga aggapo wenno nag-angkaten na idiay probinsya ti Ilocos Sur dagiti bungbong.
Kabayatanna, inlawlawag met ni Barangay Kagawad Eddie Paguyo iti nasao a barangay a sakbay a simrek dagiti pulis iti pagtaengan ni Laurelio ket kinita na a nalaing dagiti bulsa kasta met ti sapatos dagiti otoridad.
Segun kenni Paguyo, awan met ti nakita na a mabalin kuma nga ikabil da iti uneg ti pagtaengan ni Laurelio a kas iti rakurak ti maseknan a saan na a kukua dagiti nakumpiskar a bungbong.
Ummuna iti daytoy, inpetteng ti pamilya ni Laurelio a simrek lattan dagiti kameng ti serach team uray awan pay dagiti opisyal ti barangay.
Inbatad ni Paguyo nga awan met ti madamdamag na a report a mangiyus-uswat ti iligal a panagkalap ni Laurelio gapo ta adda a kanayun iti pagtrabahoan na
