LAOAG CITY – Napilaan ti kaso nga attempted murder ti suspek iti pammagkong iti maysa a tren iti Cambridgeshire idiay London.
Nabigbig ti suspek a ni Anthony Williams, agtawen ti 32 ken taga idiay Peterborough.
Nakasoan ti suspek ti 10 a counts ti of attempted murder kalpasan ti pammagkong a napasamak iti tren iti Cambridgeshire idiay London idi rabii ti Sabado.
Malaksid iti daytoy, napilaan pay ti kaso ti suspek iti sabali pay nga attempted murder nga adda met laeng iti pakainaganna iti nasao nga insidente.
Mainaig iti daytoy, inbatad ni Transport Secretary Heidi Alexander, ti train worker a naganawa iti panangatake ti suspek ket adda iti kritikal a kondision ngem stable daytoyen iti agdama.
Naammoan a ti maysa a lalaki nga agtawen ti 35 a naibalud ket nakaruaren gapu ta basar kadagiti otoridad ket saan daytoy a karaman iti krimen.
Maipalagip nga inrakurak ni British Prime Minister Kier Starmer iti social media a makaalarma ti napasamak a pammagkong a nakasugatan ti 10 nga indibidual ken kiniddawna iti publiko ti panangsurot kadagiti otoridad.
