LAOAG CITY – Umaboten iti 26 ti bilang dagiti natay gapo iti nakaro nga epekto ti habagat a pinapigsa ti naglabas a bagyo “Inday”.
Basar iti naudi a report ti National Disaster Risk Reduction and Management Council (NDRRMC), kaadoan kadagiti natay ket aggapo iti Sarangani a nakairekord to sangapulo, sinaruno ti Lanao del Sur nga addan ti pito, uppat iti Davao Occidental, dua iti Zamboanga Sibugay, dua iti Bukidnon ken maysa iti Iloilo.
Malaksid kadagiti nairekord a natay, 9 ti naamoan a nagsagaba ti sugat ken idinto a 14 met ti manarimaan a mabirbirok .
Ti habagat ken ti naglabas a bagyo ket nakaapektar iti sumurok 244,000 a pamilia wenno sumurok maysa a million nga indibidual iti nagduduma a rehiyon ti pagilian.
Gapo iti daytoy, manarimaan ti operasion dagiti lokal a gobierno ken nagduduma nga ahensia para ti panangsapol dagiti mapukpukaw ken tapno maikkan ti tulong dagiti naapektaran a komunidad.
