LAOAG CITY – Inrakurak ni United States President Donald Trump ti pannakaipataw ti 30% a taripa iti European Union ken Mexico mangrugi inton bulan ti Agosto.
Nagpangta ni Trump a mangipataw ti nangatngato pay a taripa no bumales dagiti United States trading partners.
Naammoan a ti European Union ket addaan ti 27 a miembro a maibilang a kadakkelan a trading partner ti Amerika.
Manamnama nga umannugot dagitoy iti maysa a katulagan iti Washington sakbay ti Agosto 1.
Kabayatanna, inpakaammo ni Trump a mangipataw ti baro a taripa kadagiti produkto manipud idiay Japan, South Korea, Canada ken Brazil a mangrugi met a maipatungpal inton Agosto 1 no sadinno a naipatulod dagiti surat kadagiti babassit nga United States trade partners ita a lawas.
