LAOAG CITY – Kinumpirmaran ni Police Captain Jonevale Maramag, ti chief of police ti PNP-Marcos ti pannakatiliw ti maysa a wanted person.
Nabigbig daytoy a a ni Joel Clemente y Salvacion, agtawen ti 36, naasawaan.
Segun kenni Maramag, ni Clemente ket naggapo idiay Lingayen, Pangasinan ngem nasita iti border control ti La Union ken Ilocos Sur iti paset ti ili ti Tagudin nga isu ti nakaamoan dagiti otoridad a wanted person daytoy.
Katinnulong ti PNP-Marcos ti Tagudin MPS, 103rd MC RMFB ken 2nd INPMFC para iti pannakatiliw ni Clemente.
Naarestar ni Clemente babaen ti warrant of arrest nga inpatuk-at ni Hon. Judge Nida B. Alejandro gapo iti kaso na a frustrated murder.
Narekomendaran met ti 120,000 a piso para iti pagpyansa ni Clemente ken iti agdama ket adda iti kustudiyar ti PNP-Marcos.
