LAOAG CITY – Nagballigi ti nagtitipon a pwersa ti CIDG-Ilocos Norte ken PNP-Laoag a nangarestar iti maibilang a wanted person ditoy ciudad ti Laoag.
Binigbig ni Police Lt. Wirlo Gatoc, ti mangidadaulo iti CIDG-Ilocos Norte ti akusado a ni Clifford Ignacio, agtawen ti 32, naasawaan, negosyante ken residente iti Barangay 62-B, Navotas ditoy ciudad ti Laoag.
Segun ken ni Gatoc, ti akusado ket sumangsango iti kaso a panaglabsing iti section 5, paragraph E ken paragraph I ti Republic Act (RA) 9262 wenno Anti-Violence Against Women and their Children (VAWC) Act of 2004.
Nairekomendar ti 108 ribo a pisos a piyansa ti akusado para iti temporaryo a pannakawaya-waya na.
Iti agdama, nagtalinaed ti akusado iti kustodyar ti PNP-CIDG ditoy probinsya.
