LAOAG CITY – Nagballigi dagiti kameng ti Philippine National Police a nangarestar iti maysa a wanted person a iti ili ti Pasuquin.
Daytoy ti inbatad ni Police major Jonvale Maramag, ti chief of police iti ili ti Pasuquin.
Kuna ni Maramag a ti akusado a ni Mr. Alejo Natores ket naarestar iti paset ti Barangay 5 ditoy ciudad ti Laoag babaen ti bileg ti warrant of arrest nga inparuk-at ni Judge Javier Calapini, ti presiding judge iti Regional Trial Court iti Branch 19 iti ili ti Bangui gapu iti kaso na a simple arson.
Narekomendaran ti akusado ti 70 ribo a pisos a piyansa na para iti temporaryo a pannakawaya-waya na.
Iti agdama, nagtalinaed ti akusado iti Philippine National Police iti ili ti Pasuquin.
Maipalagip nga idi Nobyembre 13, 2024 ket nagturong ti akusado iti pagtaengan da ABC Felix Aguinaldo iti Barangay Poblacion Dos ken maipagarop a ginandat na a puuran dagiti nakaparking a lugan.
Iti panagresponde dagiti otoridad iti lugar ket insabat ti akusado ti buneng iti patrol car rason a linisian da a nangitunda ti pannakaidungpar na iti kasabat na a lugan.
