LAOAG CITY – Nakairekord ti 1,091 a bilang dagiti road crash incidents ti Department of Health (DOH) para iti pakabuklan ng obserbasyon ti Holy Week iti napalabas a lawas.
Segun ken ni DOH Spokesperson Albert Domingo, ti datos ket nairekord manipod Marso 29 a Palm Sunday agingga iti Abril 2, Maundy Thursday.
Kuna na a ti nasao a bilang ket 150% a nangatngato no ikompara iti nairekord a 437 a road crash incidents iti isu metlaeng a panawen idi 2025.
Iti baet daytoy, inrakurak ni Domingo a saanna a kayat a sawen daytoy nga umad-ado dagiti aksidente iti kalsada no di ket possible nga ad-ado laeng dagiti ospital a mangipapaay ti report.
