LAOAG CITY – Umabot iti 18 a kameng ti Sugarcane Processors manipud iti Brgy. Bacsil-South ken 6 nga Agricultural Extension Workers (AEWs) ditoy ciudad ti Laoag ti nakipaset iti Benchmarking Activity a naangay idiay Sta. Maria, Ilocos Sur.
Daytoy ti inpakaammo ni Engr. Shiela Opelac, ti mangidadaulo iti City Agriculture Office ditoy ciudad ti Laoag.
Segun ken ni Opelac, binisita da dagiti pagaramidan ti lokal a Balikutsa tapno makita ken obserbaren no ania dagiti kapintasan a maaramid, tradisional a panagiproseso ken panangkontrol ti kalidad ti nasao a produkto.
Babaen iti nasao nga addang ket manayunan pay ti ammo dagiti processors tapno mapasayaat ken makaaramid da pay ti ad-ado a produkto babaen iti mula nga unas.
