LAOAG CITY – Naragsak nga inpakaammo ni Mrs. Hele Rose Domingo, ti mangidadaulo ti Provincial Sports Office iti kapitolyo probinsyal nga ada ti lima nga atleta manipod ditoy Ilocos Norte a nakipagpaset ti Asian Beach Championship a naangay idiay Qingdao, China.
Binigbig na dagitoy a da KIAN CARLO ASUNCION, JASPER SAMPAYAN, CHRIS GERALD ANDRES, CARL JAMES CABALOAN, ken GINELL ANGELO TAROMA manipod iti ili ti Paoay ken ditoy ciudad ti Laoag.
Kunana a naangay ti nasao nga aktibidad idi Setyembre 24 ita a tawen no sadinno a nagay-ayam da iti beach sepak takraw.
Inbatad ni Domingo a napanunotan laeng ti opisida da a mangbuangay ti beach sepak takraw gapo ta addaanen ti probinsya ti beach volleyball event gapo ta kalikagum da ti multi-sports nga agbalin a coastal game.
Kunana nga idi naamoan ti national sports commission daytoy a banag ket immay da bimmista ditoy probinsiya a nakakitaan da nga addaan ti potential dagiti ilocano atlethes.
Innayon na a kalpasan iti daytoy ket adda ti nagbalin nga imbitasyon da kadagitoy nga atleta a mangirepresentar iti pagilyan ti nasao nga aktibidad.
Inpetteng ni Domingo nga uray napaay da a makastrek iti Top 3 ket ibilang na a dakkel daytoy nga opurtunidad gapo ta naipaayan da ti exposure iti international sporting environment.
