LAOAG CITY – Inpakaammo ni Department of Energy (DOE) Secretary Sharon Garin a simmangpeten ti maysa a diesel shipment manipod idiay Malaysia a ginatang iti gobierno babaen ti PNOC Exploration Corporation.
Segun ken ni Garin, umabot iti 329,000 a bariles wenno 52,311,000 a litro iti diesel ti kargamento ti simmangpeten a gagem daytoy a papigsaen ti energy supply iti pagilian.
Kuna ni Garin a kasapulan nga aggatang ti gobierno iti suplay bayat a saan pay a nalpas ti riribok idiay Middle East.
