LAOAG CITY – Naragsak nga inpakaammo ni Mr. Cipriano Perry Martinez, Acting General Manager ti Ilocos Norte Electric Cooperative wenno INEC nga in-inoten a mabaybayadan dagiti Employee Retirement Benefits kadagiti retirado nga empleado ti kooperatiba.
Segun kenkuana, saan nga insigida a nabayadan dagitoy gapu ta kurang ti kuarta ken nagkaproblema ti ERBP Fund.
Inbatadna a gapu ta agarup maysa a tawenen ti napalabas sipod idi saanda pay a naawat ti benepisio ket nangaramidda ti wagas tapno mabayadan dagiti maseknan.
Inlawlawagna a dagiti nag-file iti Department of Labor and Employment wenno DOLE ket nangrugi dagitoyen a nag-windraw malaksid laeng kadagiti agarup pito a rimmuar iti naganna iti ERBP Fund.
Kunana a dagiti adda ti pakainaiganna iti isyu iti ERBP Fund ket masapol nga ilabanda iti Korte.
Innayonna a kalikagumna a malpasen daytoy pannakaipaay ti Employee Retirement Benefits kadagiti nasao nga empleado iti kabiitan a panawen.
