LAOAG CITY – Inbilin ni Presiding Officer/Vice Mayor Rey Carlos Fariñas ti pannakaaramid ti ordinasa a mang-regulate iti istrikto a panag-checkpoint kadagiti driver a nakainom iti nasanger.
Segun iti bise mayor, kada lawas ket adda iti madisdisgrasya a kaadoan kadagitoy ket nakainom ti nasanger.
Inbatad na a narigat no ag-chekpoint da laeng nga uray ammo da a nakainom dagitoy ti nasanger ket saan da met a sitaen.
Kunana a rumbeng a mapapigsa dagitoy a pagannurutan tapno maipaayan ti leksyon dagiti maseknan.
Kabayatanna, inbilin ti bise mayor iti Committee and Peace and Order a mangarmid da iti ordinasa tapno madisiplinaan dagiti motorista nga agmanmaneho a nakainom.
